JON ARZUBIA ZESTA PUNTAKO JOKALARIARI EGINDAKO ELKARRIZKETA

Jon Arzubia, durangoko pelotazale elkarteko zesta puntako jokalaria da. Duela 8 urte ameriketara joan zen gau eta egun zesta puntan aritzera.

*Noiz hasi zinen zesta puntan jolasten? 1994an 12 urte nituela. Aurretik Mañarin jolasten nuen esku pilotan baina anaia eta ikastolako 3 lagunek bultzatuta Zesta punta probatu nuen eta Mañaritik Durangora joan nintzen Zesta Puntan egitera. 24 urtera arte Durangon aritu nintzen eta orduan Ameriketara joateko aukera izan nuen.

*Nola suertatu zen Ameriketara joateko aukera? Bertan ari zen euskaldun bat etxera etorri zen 3-4 hilabete pasatzera eta bertako enpresak ordezko bat bidaltzeko eskatu zion. Ni izan nintzen aukeratua Durangoko elkartetik.

*Non egon zinen Ameriketan? Zenbat denbora? Dania-n egon nintzen (Florida). Laburra izan zen esperientzia, urtebetekoa.

*Diru laguntzarik jasotzen zenuen? Texas Hold´em Poker empresan kontratua nuen professional bezala. Zesta puntan jarduten nuen denbora guztian.

*Zenbat euskaldun zenituen inguruan? Gure frontoian 45 lagun ingurutik, 32 euskaldunak ginen. Mexikarrak ere bazeuden, amerikarrak… Beste euskaldun asko Miamin, Orlandon…beste leku batzutan zeuden.

*Zesta puntak nolako afizioa zuen? Ni egon nintzen urtean 2006an ez zegoen afizio handirik. 1985 inguruan itzelezko afizioa egon zen baina apurka apurka bajatzen joan da. Neguan, frontoietan jende gehiago ikusten zen, Canada aldeko jendea beheko herrialdeetara jeisten zelako klima beroago baten bila eta bertan zeudela frontoietara etortzen ziren.

*Entrenamenduak, partidak…zein zen zuen plangintza? Astelehenetan ezik, egunero jolasten genituen partidak “kinielak” 7-9 tantotara. 8 pareja elkartzen ginen eta txapelketa txikiak egiten genituen. Horrez gain frontoi desberdinen arteko txapelketak ere izaten genituen.

*Errepikatzeko moduko esperientzia, Jon? Bai noski. Bizimodu oso ona zen hura, zesta puntan jolastu eta gozatuz gau eta egun.

*Gaur egun jarraitzen ahal duzu zesta puntan? 25 urterekin bueltatu nintzen eta 5 urte jarraitu dut Durangoko Jai alaia frontoian ensaiatzen, orain ez naiz joaten.